Kõm kõnaan bwe ajiri rein nejir ren drittolok ilo aer mõnõnõ im ājmour, im enjab mõkaj. Ak emõkaj aer drittolok jen ad kõtamāne. Ekatak ko kõn kõmālij ej kwalok ke yio kan 5 imaan tata ilo mour eo an juon ajiri ej ien eo ellok pedpein ñan ilju im jeklaaj.
Jen ien eo ear lotak ñan 5 yio, kõmalij ejino edek im mõkaj an edek jen jabrewõt ien ilo mour eo an. Jaintiij rej bar kalliar ke joñan im wāween an mour ej itok wõt jen ta ko ear loi im ioni ilo yio ko imaantata ilo mour eo an...eman ak nana -- ej jipañ ejaake wāween an kõmālij ne an edeklok. Men kein ej loi im ioni raorõk bwe renaaj jelõt an ājmour im an maroñ ekatak im wõnmaanlok ilo jikuul im ilo mour ne an.
Ilo First Five Hawai'i, kõmij kõmaat am maroñ, nalõmen melele ko, kein jerbal, jikin bõk jipañ ko im jipañ kõkõmanmanlok ājmour im ekatak ñan ajiri ro jen yio in lotak ñan 5 yio. Kõmij tõmak ke ilo am kõkajuur jinen im jemenom ro rej kõkaajriri kõn mennin jipañ ko rekkar im jejjet, kõm maroñ nalõman bwe aoleb ajiri ro ilo Hawai'i en weppen jinoin mour eo aer.
